ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
2020 სასწავლო წლის შემოდგომის სემესტრიდან „საქართველოს ადვოკატთა ასოციაციის“ საგანმანათლებლო საბჭოს თავმჯდომარის, ადვოკატ, სამართლის დოქტორ ირაკლი ყანდაშვილის ინიციატივითა და მხარდაჭერით ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტებისათვის დაწესდა ორი სტიპენდია:
• ლუარსაბ ანდრონიკაშვილის სახელობის სტიპენდია სამართლის პროგრამის სტუდენტებისთვის;
• აკად. ლევან ალექსიძის სახელობის სტიპენდია საერთაშორისო სამართლის პროგრამის სტუდენტებისათვის.
კონკურსში მონაწილეობის მიღება შეუძლიათ ბაკალავრიატის აქტიური სტატუსის მქონე, მე-3 და შემდგომი სემესტრის სტუდენტებს, რომელთა მოსწრების საშუალო ქულა (GPA) მინიმუმ 3.5-ს შეადგენს.
კონკურსში მონაწილეობის მისაღებად სტუდენტებმა მიმდინარე წლის 18 ნოემბრის ჩათვლით ელექტრონულ მისამართზე (law@tsu.ge) უნდა გამოაგზავნონ შემდეგი დოკუმენტები:
● ბიოგრაფიული რეზიუმე (CV);
● სამოტივაციო წერილი (ერთ გვერდად);
● ნიშნების ფურცელი;
● პირადობის მოწმობის ასლი.
კორესპონდენციის თემის ველში, გთხოვთ, მიუთითეთ შესაბამისი სტიპენდიის სახელწოდება.
მოგახსენებთ, სასტიპენდიო კონკურსი მიმდინარეობს ორ ეტაპად. აკადემიური მოსწრებისა და სამოტივაციო წერილის შეფასების შედეგად შერჩეულ კანდიდატებთან გაიმართება გასაუბრება და აირჩევა სტუდენტი, რომელსაც ერთი სასწავლო წლის ვადით დაენიშნება სტიპენდია.
გისურვებთ წარმატებას!